Z. Ilirjan Çukaj, është në krye të Shërbimit Social Shtetëror në pozicionin e Drejtorit të  Përgjithshëm. Z. Çukaj, ka shërbyer në funksione të rëndësishme shtetërore, drejtuese e  diplomatike. Në punën e tij, është evidentuar  për përkushtim dhe humanizëm.

Në pozicionin aktual, objektivi kryesor i punës është sigurimi i ndihmës dhe informacionit të nevojshëm për kategoritë  më  të ndjeshme, që kanë nevojë për përkujdesje shoqërore.

Realizimit të këtij misioni i shërben struktura e këtij Web-site. Nëpërmjet tij kategoritë në nevojë, sic janë fëmijët jetimë e të braktisur, personat me aftësi të kufizuara, të moshuarit e braktisur, si dhe kategoritë shoqërore pa të ardhura financiare, jo vetëm njihen me punën, mënyrën e organizimit dhe shërbimet e ofruara nga SHSSH, por marrin informacionin e domosdoshëm, për të aplikuar dhe përfituar prej tyre.

Objektivi kryesor i punës sonë do të mbetet, zbatimi i politikave sociale në nivel kombëtar dhe lokal, që shprehet në tërësinë e masave sociale të adresuara në mbrojtjen e shtresave në nevojë.
Angazhimi i strukturave të Sërbimit Social Shtetëror në bashkëpunim me pushtetin vendor, për zbutjen e varferisë dhe përkujdesin shoqëror për individët, grupet e shtresat më në nevojë të shoqerisë, do të pasqyrohet në mënyrë të vazhdueshme, nëpërmjet përditësimit të informacioneve që do të publikohen në këtë faqe Web-site.

Shërbimi Social Shtetëror, si institucion specifik i koordinimit të punës me të gjithë aktorët e tjerë shtetërorë, shoqërinë civile, organizmat ndërkombëtarë, komunitetin e biznesit e donatorët, që kanë kapacitete reale shërbimi, për të ndihmuar në zgjidhjen e  problemeve sociale, në cdo moment, do të jëtë një dritare e hapur.