Skip to content
IPSH (institucionet publike te perkujdesit shoqeror) per te Moshur
Sunday, 04 July 2010 15:39
Në zbatimt të ligjit 9355 datë 10.03.2005 “Për ndihmën dhe shërbimet Shoqërore” përfitusit e shërbimeve shoqërore janë fëmijët, të rinjtë deri në moshën 25 vjeç, të moshuarit, personat me aftësi të kufizuar gratë, vajzat në nevojë si dhe të gjithë ata që janë në rrezik të bëjnë pjesë në grupet në nevojë.

Personat që kanë nevojë për shërbime të përkujdesit shoqëror pranohen në institucionete rezidenciale publike pa pagesë nëse familjet e tyre nuk kanë asnjë të ardhur, shpenzimet e tyre mbulohen nga buxheti i shtetit.

Shërbimet shoqërore publike përfshijnë shërbimet e përkujdesit shoqëror që ofrohen në institucionet rezidenciale, ditore ose në shtëpi për grupet në nevojë. Këto shërbime finacohen nga buxheti qëndror dhe nga buxhetet e pavarura të organeve të qeverisjes vendore.

Shërbimet shoqërore private përfshijnë shërbimet e përkujdesit shoqëror që ofrohen në qëndrat rezidenciale, në qëndrat ditore apo në shtëpi të finacuara privatisht.

Në kuadër të decentralzimit bashkitë dhe komunat administrojnë të gjitha shërbimet shoqërore për individët, që janë banorë të atij qyteti apo komune.

Insitucionet që ofrojnë shërbime për moshën e tretë
Rrjeti i institucioneve që ofrojnë shërbime për moshën e tretë përfshijnë shërbime siaps tipologjive të me poshtme:
  • 5 institucione rezidenciale publike për 267 të moshuar në qarkun e Tiranës, Fierit, Shkodrës, Gjirokastrës. Në këto qendra ofrohet akomodim, ushqim, këshillim psiko-social, shërbime shëndetësore, aktivitete social-kulturore përkujdesje higjeno-sanitare etj.
  • Në zbatim të Vendimit të Këshillit të Minsitrave 14.04.2006 “Përcaktimi i kritereve dokumentacionit të nevojshëm për pranimin e personave ne insititucionet rezidenciale publike dhe private të përkujdesit shoqëror”.
  • 5 shërbime ditore publike për 226 të moshuarit në qarkun e Tiranës, Durrës, Vlorë, Kukës dhe Elbasan. Shërbimet e ofruara në këto qëndra janë ushqim, shërbime në familje, aktivitete social-kulturore, shërbim shëndetësor etj. Keto shërbime janë nën administrimin e pushtetit vendor në kuadër të zbatimit të politikave sociale per decentralizimin e insitiucineve.
Gjithashtu ofrojnë shërbime edhe institucionet jopublike. Të ndara sipas tipologjisë së shërbimit janë:
  • 6 Qendra rezidenciale jopublike për te moshuar me 112 te moshuar ku 4 prej tyre janë qëndrat “Misionaret e Bamirësisë Motrat Nënë Tereza” në qarkun e Tiranës, Durrësit dhe Shkodrës të cilat ofrojnë, ushqim, akomodim, shërbim shëndetësor. Dy qëndrat e tjera rezidenciale janë qëndra që ofrojnë shërbime kundrejt pagesës.
  • 8 Shërbime komunitare dhe shërbime alternative për të moshuar me1005 te moshuar. Shërbimet e ofrura në keto qëndra janë aktivitete social –kulturore.
Në zbatim të VKM-se Nr. 589 date 28. 08. 2003 “Për ngritjen dhe vënien në funksionim te Qëndrës Kombëtare Pritëse të Viktimave te Trafikimit” ka filluar aktivitetin e saj Qëndra Kombëtare Pritëse e Viktimave të Trafikimit qëndër rezidenciale që ofron shërbime të përkujdesit social për viktimat e trafikimit, personat në rrezik trafikimi dhe emigrantët e parregullt. Objekti i saj kryesor është intesifikimi i luftës kundër trafikimit të qënieve njerëzore dhe rritja e ndërgjegjësimit të publikut për këtë fenomen, nëpërmjet pritjes, mbështetjes dhe rehabilitimit të viktimave të trafikut.

Gjithashtu në qarkun e Tiranës, Vlorës, Gjirokastrës dhe Elbasanin ofrojnë shërbime rezidenciale për viktimat e trafikimit, personat në rrezik trafikim dhe gratë e dhunuara katër subjekte jo-publike të liçensuara nga MPCSSHB të cilat ofrojnë strehim, ushqim, siguri, plan integrimi, asistence te menjehereshme mjekesore, negocim, ndermjetesim me familjen, vleresim dhe keshillime psiko-sociale, mbeshtetje dhe asistence ligjore, asistence per rregjistrim/vazhdimesi ne edukimin shkollor, trajnime profesionale, aktivitete sociale.

Komuniteti Emanuel, në zbatim të ligjit nr. 8494 dt. 27.05.1999 “Për hapjen dhe funksionimin e Qëndrës Sociale Polivalente”, Vaqarr  ka ngritur strukturat e shërbimit:
Qëndër Ditore të dëgjimit dhe e pritjes fillestare për alkooltoksikomanë dhe Qëndër Sociale Polivalente. Shërbimet e ofruara nga këto subjekte janë: dëgjim dhe këshillim për të rinjtë dhe familjet, grupet e terapisë, shkolla e prindërve, pritje me banim të pjesshëm, kualifikimi i operatorëve, bashkëpunimi me institucionet dhe OJF-të, Akomodim për alkootoksikomaninë, formim profesinal dhe ri-integrimi në shoqëri.
Gjithashtu janë edhe 3 subjektet jo-publike që ofrojnë shërbime për të rinjtë në nevojë për parandalimin dhe rehabilitimin  e përdoruesve të droges dhe parandalimin e HIV/AIDS te target –grupet e rrezikuara. (përdorusit e drogës, puntoret e seksit etj).
 

Shërbimet

Rregullore

Rregullore per perjashtimin nga detyrimet doganore te automjeteve per PAK
Krkoni më tepër informacion për:
 
botime
ankand-3

Kerkoni