Skip to content
Procedurat për përfitimin e ndihmës ekonomike
Monday, 21 June 2010 05:52
(VKM nr 787, date 14.12.2005) (Referoju Legjislacioni - VKM dhe Udhezime )
  1. Ndihma ekonomike shpërndahet një herë në muaj me vendim të Këshillit të Njësisë të Qeverisjes Vendore.
  2. Kërkesa për të përfituar ndihmë ekonomike bëhet me shkrim nga Kryetari I familjes dhe nënshkruhet nga të gjithë anëtarët madhore të saj.
  3. Aplikantët paraqesin dokumentacionin tek admonistratori shoqëror pranë njësisë së pushtetit vendor.
Këshilli i bashkisë/komunës ka të drejtë të miratojë kritere specifike për të dhënë ndihmë ekonomike me fonde të buxhetit lokal, për familjet me shumë pjesëtarë apo familjet e varfëra.
Këshilli i bashkisë/komunës miraton fondin dhe numrin e familjeve në skemën e ndihmës ekonomike.
Vendos, ne përputhje me legjislacionin në fuqi të drejtën dhe masën e përfitimit të ndihmës ekonomike për familjen si dhe ofrimin e përfitimeve të vecanta të parashikuara me ligj.
Miraton strukturat e institucioneve në vartësi të saj qe merren me shpërndarjen e ndihmës ekonomike.
Për gjendjen e familjes apo anëtarëve të saj,që kërkojnë ndihmë ekonomike, administratorët shoqërore, në bazë të listave, në bashki/komuna, kërkojnë informacionin e nevojshëm, nga institucionet e mëposhtme:
  • Zyra e Punës
  • Zyra e tatim-taksave
  • Zyra e sigurimeve shoqërore
  • Zyra e regjistrimit të pasurive të paluajtshme(hipoteka)
  • Zyra e regjistrimit të automjeteve
  • Seksionet pranë bashkive
  • Inspektoriati i punës
Këto institucione duhet që, brenda 10 ditëve nga marrja e kërkesës, të dërgojnë informacionin  e kërkuar.
Financimi i programeve të ndihmës ekonomike përballohet nga buxheti i shtetit dhe buxheti i pushtetit vendor.
Burimet e financimit te ndihmës ekonomike përbëhen nga:
  1. Fondet e buxhetit qendror të shtetit
  2. Fondet nga taksat dhe tarifat vendore
Programi i Ndihmës Ekonomike mbështet me pagesë mujore familjet pa të ardhura apo me të ardhura të pamjaftueshme.
Alokimi i fondeve të Ndihmës Ekonomike bëhet mbi bazën e treguesve statistikorë që dërgohen nga Njësitë e Qeverisjes Vendore. Këto të fundit paraqesin nevojat për fonde duke u mbështetur në strukturën e familjeve përfituese si dhe në të ardhurat që siguron familja nga toka dhe veprimtaritë e tjera prodhuese. Kjo ndihmë është e plotë kur familjet përfituese nuk kanë të ardhura, dhe e pjesshme kur familjet pretenduese kanë të ardhura të pa mjaftueshme.
Buxheti i akorduar nga shteti për këtë program u delegohet njësive te qeverisjes vendore ne formën e një grandi te kushtezuar.
 
botime
ankand-3

Kerkoni