|
Grupet përfituese të pageses se paaftesise |
|
Monday, 21 June 2010 06:56 |
(Referoju Legjislacioni - VKM dhe Udhezime )
Në bazë të Ligjit 9355 datë 10.03.2005 neni 7 “Për ndihmën dhe sherbimet shoqërore,, përfitojnë pagesë paaftësie:
- Personat me aftësi të kufizuar, të cilët deklarohen të paaftë pë punë me vendim të Komisionit Mjekësorë të Caktimit të Aftësisë për Punë (KMCAP),
- Paraplegjikët dhe tetraplegjikët, të cilët deklarohen, me vendim të Komisionit Mjekësorë të Caktimit të Aftësisë për Punë (KMCAP), se janë bërë të tillë pavarësisht nga shkaku dhe mosha.
- Personat, të cilët janë deklaruar invalidë pune, me vendim të Komisionit Mjekësorë të Caktimit të Aftësisë për Punë (KMCAP).
- Pagesa për personat me aftësi të kufizuar jepet në formën e një kësti mujor, në lekë. Masa e pagesës për këta individë dhe për kujdestarët e tyre përcaktohet më vendim të Këshillit të Ministrave.
- Aplikuesi, të cilit i refuzohet kërkesa për përfitim të pagesës për aftësinë e kufizuar, kanë të drejtë për apelim në gjykatë.
Masa e përfitimit
Masa e përfitimit për secilin grup të personave me aftësi të kufizuar përcaktohet me VKM.
- Të verbërit përfitojnë 9800 lekë në muaj, të verberit që vazhdojnë shkollën e mesme 19600 lekë, ata që vazhdojnë shkollën e lartë ose studimet pas universitare 29400 lekë, të verbërit që kanë humbur vendin e punës pas 1 Janarit 1991 përfitojnë 14700 lekë në muaj. Kujdestari i të verbërit përfiton 9800 lekë në muaj.
- Para dhe tetraplegjikët përfitojnë 8700 lekë në muaj, kur vazhdon shkollën e mesme 200 % të kësaj shume, ata që vazhdojnë shkollën e lartë ose studimet pas universitare 300 %.Përfitojnë paketën higjeno sanitare 16000 lekë në muaj. Kujdestari i paraplegjikut përfiton 9200 lekë në muaj dhe për kohën që sherben si kujdestar është i siguruar.
- Personat me aftësi të kufizuar përfitojnë 8700 lekë në muaj, kur vazhdon shkollën e mesme 200 % të kësaj shume, ata që vazhdojnë shkollën e lartë ose studimet pas universitare 300 % të kësaj shume.Kujdestari i tyre përfiton 8700 lekë në muaj.
- Invalidët e punës përfitojnë një shtesë mujore mbi pensionin e invaliditetit sipas grupeve :
a- 3300 lekë në muaj , në se janë invalid të plotë, nga smundje të përgjithshme.
b- 2200 lekë në muaj , në se janë invalid të pjesshëm, nga smundje të përgjithshme.
c-4000 lekë në muaj në se janë invalid të plotë, nga aksidentet në punë dhe smundje profesionale.
d- 2700 lekë në muaj në se janë invalid të pjesshëm, nga aksidentet në punë dhe smundje profesionale.
e- Familjet qe kane dy te paafte brenda saj, kujdestari i tyre paguhet me 150% te shumes.
|
